شڪارپور(رپورٽ: ذوالفقار مگسي) جيئي سنڌ محاذ چيئرمين رياض چانڊيو شڪارپور ۾ پريس ڪانفرنس ڪندي چيو آھي ته سنڌو درياھ مان نوان ڪئنال ٺاھڻ ۽ ارسا ايڪٽ ترميم خلاف 19 سيپٽمبر کان جي ڊي اي سميت مختلف جماعتن سان گڏجي جيئي سنڌ محاذ مسلسل جدوجھد ۾ سڀني سان گڏ آھي، سنڌ سرڪار چئي ٿي ته صدر آصف زرداري ڪئنالن کي پڌر نامي تي صحيح نه ڪئي آھي، تاريخ گواھ آھي ته سنڌ جي حلالي پٽ اڳوڻي صدر عارف علوي ڪئنالن جي ڊرافٽ تي صحيح نه ڪئي پر ڪو اجلاس به نه گھرايو آهي،هن چيو ته جي يو آءِ ۽ پ پ وارا سنڌ جي ماڻھن سان دوکو ڪرڻ لاءِ ڪوڙيون آل پارٽيز ڪانفرنس پيا ڪن سنڌ جي پاڻي جي تباھي ۾ 3 جماعتون ذميوار آھن جن ۾ پ پ، جي يو آءِ ۽ مسلم ليگ ن شامل آھن،هن چيو ته شڪارپور، سکر، گھوٽڪي، ڪشمور، ڪنڌڪوٽ ڌاڙيلن جي حوالي ٿيل آھن، ڪئنال ٺاھڻ وارو منصوبو ڪامياب ٿيڻ نه ڏينداسين
