اسلام آباد (ويب ڊيسڪ) حڪومت ڊسمبر ۽ جنوري ۾ سي اين جي اسٽيشنز بند ڪرڻ جو فيصلو ڪيو آهي.
ذريعن موجب سخت ٿڌ وارن ٻنهي مهينن ۾ سي اين جي اسٽيشنز بند ڪيون وينديون، انهن ٻن مهينن ۾ جيڪا ملڪي صنعت گئس سان بجلي پيدا ڪري ڪم ڪندي آهي، ان کي به گئس جي فراهمي بند رهندي.
اهو فيصلو قدرتي گئس جي گهريلو واهپيدارن کي سياري ۾ مسلسل فراهمي يقيني بڻائڻ لاءِ ڪيو ويو آهي.
چئني صوبن ۾ گئس سان بجلي پيدا ڪرڻ يا ڪيپٽو پاور اسٽيشنز لاءِ ڊسمبر 2024 کان جنوري 2025 تائين گئس جي فراهمي روڪي ويندي، انڊسٽري بجلي ڪمپنين جي بجلي استعمال ڪندي.
