اسلام آباد(م ڊ) صدر آصف علي زرداري چيو آهي ته معاشي ترقي لاءِ حڪومت سان گڏجي ڪوششون ڪري رهيا آهيون، اڄ اسٽاڪ مارڪيٽ تاريخي رڪارڊ ٽوڙي رهي آهي، اسلام آباد ۾ تقريب کي خطاب ڪندي صدر چيو ته سستي بجلي حاصل ڪرڻ طرف خاص ڌيان ڏنو پيو وڃي، بجلي جا اگهه گهٽائڻ لاءِ حڪمت عملي جوڙي ويندي.صدر زرداري چيو ته ملڪ ۾ اهڙين صنعتن جي ضرورت آهي جيڪي عوام کي خوشحال بڻائين.اسان پنهنجي اڳوڻي دور ۾ صنعتن جي ترقي لاءِ قدم کنيا، وياج جي شرح ۾ گهٽتائي لاءِ حڪومت سان گڏجي قدم کنيا ويندا.
