ڪراچي (ويب ڊيسڪ) سنڌ جي ضلعي خيرپور ۾ گئس جا نوان ذخيرا دريافت ٿيا آهن.
آئل اينڊ گئس ڊيولپمينٽ ڪمپني لميٽيڊ (او جي ڊي سي ايل) سنڌ ۾ گئس جا نوان ذخيرا دريافت ڪرڻ جو اعلان ڪيو آهي.
او جي ڊي سي ايل طرفان جاري ڪيل پڌرائيءَ ۾ سنڌ جي ضلعي خيرپور ۾ اکيرو-1 جي کوهه ۾ هائڊرو ڪاربن جا ذخيرا دريافت ڪرڻ جو اعلان ڪيو ويو آهي.
پڌرائيءَ موجب ساون سائوٿ جوائنٽ وينچر خيرپور ضلعي ۾ اکيرو – 1 کوهه مان لوئر گور بي ريزروائير ريتي تان گئس دريافت ڪئي آهي پر گئس جي مقدار بابت ڪنهن قسم جي تفصيلن کان آگاهه ناهي ڪيو ويو.
