اسلام آباد (زاهد گشڪوري) ڊي جي آءِ ايس آءِ جنرل نديم انجم جي نياڻي لاريب نديم جي شادي پي ٽي آءِ ايم پي اي عزت جاويد خان جي پٽ ڪيپٽن فصيح خان سان ٿي رهي آهي. ان کان اڳ راولپنڊي ۾ نڪاح جي محدود تقريب ٿي جنهن ۾ وزيراعظم شهباز شريف، وزيراعليٰ پنجاب مريم نواز، راجا پرويز اشرف، قاضي احمد اڪبر، اسد ممتاز خان سميت اهم شخصيتن شرڪت ڪئي. اهو خاندان ريئل اسٽيٽ جي ڪاروبار سان واڳيل آهي جن جو واسطوا سلام آباد سان آهي، هن ڪٽنب سان ايئر وائيس مارشل چوڌري آصف اسلم، جنيد چوڌري، عامر سهيل خان، راجا ارسلان سلطان، زين زبير واڳيل آهن. گذريل ڏينهن هڪ تقريب ٿي ۽ اڄوڪي شادي جي تقريب ۾ اڳوڻي چيف آف آرمي اسٽاف جنرل قمر جاويد باجوا ٻيا ريٽائرڊ جنرل ۽ سياسي شخصيتون شرڪت ڪنديون. صدر آصف علي زرداري، پ پ چيئرمين بلاول ڀٽو زرداري، يوسف رضا گيلاني، اياز صادق، سرفراز بگٽي سميت ٻين کي دعوت ڏنل آهي.
-
نئون ڊي جي آءِ ايس آءِ ڪير ؟نواز ۽ شهباز ۾ مشورا
اسلام آباد (اسد طور) نواز شريف ۽ شهباز شريف نويڪلائي ۾ ملاقات ٿي، ملاقات ۾ نئين ڊي جي آءِ ايس آءِ جي مقرري تي غور ڪيو ويو. شهباز شريف کيس ٻڌايو ته فوج کين هڪ ليفٽيننٽ جنرل جو نالو تجويز ڪيو آهي جنهن جي پوسٽنگ پنجاب ۾ ئي آهي. نواز شريف پاران شهباز شريف کي ان نالي تي اڳڀرائي جو به چيو ويو آهي. ان کان اڳ جيڪو نالو هلي رهيو هو اهو ڪو ڪمانڊر راولپنڊي جو هو. ليفٽيننٽ جنرل نديم انجم جو مدو ڪجهه وقت ۾ ختم ٿي سگهي ٿو.
