لاهور (م ڊ) سپريم ڪورٽ جي سڀني کان سينيئر جج جسٽس منصور علي شاهه کي سپريم ڪورٽ جو چيف جسٽس بڻائڻ جو نوٽيفڪيشن جاري ڪرڻ لاءِ لاهور هاءِ ڪورٽ ۾ درخواست داخل ڪئي وئي آهي. درخواست ۾ وفاقي حڪومت، وزيراعظم ۽ صدر کي ڌر بڻايو ويو آهي. درخواستگذار ۾ چيو ويو ته آئين موجب سپريم ڪورٽ جي سڀ کان سينيئر جج کي چيف جسٽس بڻجڻو آهي، جسٽس منصور علي شاهه هاڻي سپريم ڪورٽ جو سينيئر جج آهي، پر جسٽس منصور علي شاهه جي مقرريءَ کي وزيراعظم شهباز شريف ۽ آصف زرداري تڪراري بڻائي رهيا آهن. جسٽس قاضي فائز عيسيٰ جي چيف جسٽس طور مقرريءَ جو نوٽيفڪيشن سندس حلف برداريءَ کان اڳ جاري ڪيو ويو هو. ان لاءِ لاهور هاءِ ڪورٽ حڪومت کي نئين چيف جسٽس منصور علي شاهه جي مقرريءَ جو نوٽيفڪيشن جاري ڪرڻ جو حڪم ڏئي.
