موڪي (ويب ڊيسڪ ) ايشين هاڪي چيمپيئنز ٽرافي ۾ پاڪستان ڏکڻ ڪوريا کي هارائي ٽِين پوزيشن ماڻي ورتي .
موڪي ۾ پاڪستان ۽ ڏکڻ ڪوريا وچ ۾ ميچ کيڏي وئي جنهن ۾ پاڪستان ڏکڻ ڪوريا کي ٻن جي مقابلي پنجن گولن تان هارائي ڇڏيو.
پاڪستان ڏکڻ ڪوريا کي هارائي ايشين هاڪي چيمپيئنز ٽرافي ۾ ٽِين پوزيشن حاصل ڪئي ۽ برانز ميڊل پنهنجي نالي ڪري ورتو.
پاڪستان طرفان حنان شاهد ۽ سفيان خان ٻه، ٻه گول اسڪور ڪيا جڏهن ته رومان هڪ گول ڪيو.
واضح رهي گذريل ڏينهن ايشين هاڪي چيمپيئنز ٽرافي جي سيمي فائنل ۾ ميزبان چين سخت مقابلي کانپوءِ پاڪستان کي شڪست ڏئي فائنل لاءِ ڪواليفاءِ ڪري ورتو هو.
