هلنبيور( ويب ڊيسڪ) ايشين هاڪي چيمپيئن شپ ٽرافي ۾ ڏکڻ ڪوريا پاڪستان خلاف آخري سيڪنڊن ۾ گول ڪري ميچ 2-2 تان برابر ڪري ڇڏي.
چين جي شهر هلنبيور ۾ جاري ايشين هاڪي چيمپيئن شپ ۾ پاڪستان ۽ ڏکڻ ڪوريا جو مقابلو ٻن ٻن گولن تان برابر رهيو.
ايشين هاڪي چيمپيئنز ٽرافي ۾ پاڪستان ۽ ڏکڻ ڪوريا وچ ۾ سخت مقابلو ٿيو، ڪوريا ٻئي ڪوارٽر ۾ ئي گول ڪري برتري قائم ڪئي جيڪا ٽئين ڪوارٽر تائين برقرار رهي.
پاڪستان ٽيم ٽئين ڪوارٽر تائين ڪو به گول نه ڪري ۽ هڪ گول تان هارائي رهي هئي پر چوٿين ڪوارٽر ۾ پاڪستان ٽيم شاندار واپسي ڪئي ۽ حنان شاهد هڪٻئي پٺيان ٻه گول ڪري ڇڏيا.
ميچ دوران هڪ موقعي تي پاڪستان 1-2 تان کٽي رهيو هو پر ميچ جي پڄاڻي کان نوَ سيڪنڊ اڳ ڏکڻ ڪوريا هڪ ٻيو گول ڪري مقابلو 2-2 تان برابر ڪري ڇڏيو.
قومي ٽيم ميگا ايونٽ ۾ پنهنجي ٽِين ميچ ۾ 11 سپٽيمر تي جپان خلاف ميدان تي لهندي.
واضح رهي ته ايشين چيمپيئنز ٽرافي هاڪي ٽورنامينٽ ۾ پاڪستان ۽ ملائيشيا جي ميچ به 2-2 تان برابر رهي هئي.
