لاهور ( ويب ڊيسڪ ) پاڪستان جي سپر اسٽار اداڪارا ماهرا خان جي مشهور بالي ووڊ گيت ” ليلا مين ليلا “ تي رقص جي وڊيو وائرل ٿي وئي آهي.
مشهور بالي ووڊ فلم قرباني جو اِهو گيت ري ميڪ ڪري سندس بالي ووڊ فلم ” رئيس“ ۾ شامل ڪيو ويو هو، جنهن تي سني ليون پرفارم ڪيو هو، جڏهن ته ماهرا خان فلم شاهه رخ سان گڏ مرڪزي ڪردار ادا ڪيو هو.
انسٽاگرام تي جاري ڪيل وڊيو ۾ ماهرا خان کي نيري پينٽ ۽ اڇي ريشمي ٽاپ ۾ پهريل آهي، وڊيو ۾ هوءَ خود اعتمادي سان بهترين ڊانس ڪندي نظر آئي.
ماهرا خان وڊيو جي ڪيپشن ۾ لکيو ته ” اسان واقعي سخت محنت ڪري رهيا آهيون، پر هر موقعي تي مزو وٺڻ به ضروري آهي.“
ياد رهي ته ماهرا خان جلد ئي نيٽ فلڪس سيريز ” جو بجي هين سنگ سميٽ لو“ ۾ نظرايندي، جنهن جو سندس مداحن کي بي صبري سان انتظار آهي.
