فيض حميد کي هٽائڻ سبب افغان طالبان سان ڳالهين جو پلان ختم ٿي ويو: عمران خان

راولپنڊي(م ڊ) اڳوڻي وزيراعظم عمران خان الزام لڳايو ته نواز شريف جي مطالبي تي جنرل فيض حميد کي آڪٽوبر 2021 ۾ آءِ ايس آءِ جي سربراهه جي عهدي تان هٽايو ويو هو، جنهن کانپوءِ افغان حڪومت سان ڳالهين جو منصوبو ختم ٿي ويو. اڊيالا جيل ۾ صحافين سان غير رسمي ڳالهه ٻولهه ڪندي عمران خان چيو ته آگسٽ ۾ آمريڪا افغانستان مان نڪري ويو ۽ سيپٽمبر ۾ تحريڪ طالبان پاڪستان (ٽي ٽي پي) کي ختم ڪرڻ لاءِ افغان حڪومت سان ڳالهيون ڪيون. اڳوڻي وزيراعظم چيو ته افغان حڪومت اسان سان مڪمل تعاون ڪرڻ لاءِ تيار آهي. جنرل فيض حميد مخالف ڌر کي بريفنگ پڻ ڏني.  هن چيو ته بلوچستان جي موجوده صورتحال، ڪچي ۾ ڌاڙيلن جا حملا ۽ اسٽريٽ ڪرائم جو نزلو اسٽيبلشمينٽ  تي ڪري رهيو آهي. عمران خان چيو ته اسان جي دور ۾ ڳجها ادارا دهشتگردي کي روڪڻ ۾ مصروف هئا. اڄ اهي ڳجهيون ايجنسيون پي ٽي آءِ جي پويان آهن، جنهن سبب اختلاف ۽ نفرتون وڌي رهيون آهن. اڳوڻي وزيراعظم عمران خان سپريم ڪورٽ جي چيف جسٽس قاضي فائز عيسيٰ تي الزام لڳائيندي چيو آهي ته حڪومت قاضي فائز عيسيٰ سان گڏجي پي ٽي آءِ جو مينڊيٽ چوري ڪرڻ جي سازش ڪري رهي آهي. جيئن ئي قاضي فيض عيسيٰ نڪرندو، چار حلقا کلي ويندا ته پوءِ حڪومت پاڻ ئي ڊهي پوندي. اڳوڻي وزيراعظم وڌيڪ چيو ته هنن 8 فيبروري تي اسان جو مينڊيٽ چوري ڪيو، هاڻي 8 سيپٽمبر تي اسلام آباد ۾ جلسو ٿيندو. سڄي قوم کي 8 سيپٽمبر تي ٻاهر نڪرڻ جي اپيل ڪريان ٿو.

• آڪسفورڊ يونيورسٽي جي چانسلر چونڊ ۾ عمران جي شموليت خلاف احتجاج

لنڊن(م ڊ) پاڪستان تحريڪ انصاف (پي ٽي آءِ) جي باني عمران خان جي آڪسفورڊ  يونيورسٽي جي چانسلر جي چونڊ ۾ شموليت خلاف يونيورسٽي ۾ سخت احتجاج ڪيو پيو وڃي. برطانوي اخبار ڊيلي ميل عمران خان جي نالي سان بدنام جو لفظ لڳائي هيڊ لائن ڪئي آهي ته عمران خان پاران جيل مان چانسلر جي چونڊ وڙهڻ جي اعلان کانپوءِ آڪسفورڊ يونيورسٽي سخت احتجاج کي منهن ڏئي رهي آهي. اخبار موجب آڪسفورڊ يونيورسٽي کي ميلون ۽ درخواستون ملي رهيون آهن. درخواست ۾ چيو ويو آهي ته پي ٽي آءِ جي باني کي يونيورسٽي جي وائيس چانسلر جي چونڊ وڙهڻ لاءِ سڀ کان وڌيڪ غيرموزون قرار ڏنو ويو آهي. برطانوي اخبار موجب درخواستن ۾ پي ٽي آءِ جي باني تي ڪرپشن ڪيسن، طالبان جي حمايت ۽ مخالفن کي حراسان ڪرڻ سميت عورتن بابت تڪراري بيان ڏيڻ جا الزام لڳايا ويا آهن ۽ چيو ويو آهي ته سزا يافته شخص کي وائيس چانسلر طور چونڊجي. آڪسفورڊ يونيورسٽي جھڙو ادارو وڙھڻ قابل قبول نه آھي. برطانوي اخبار جي خبر تي ردعمل ڏيندي وزيراعظم شهباز شريف جي قانون ۽ انصاف واري صلاحڪار بئريسٽر عقيل ملڪ جو چوڻ آهي ته ڊيلي ميل جي آرٽيڪل ذريعي عمران خان جو سچ سڄي دنيا آڏو سامهون اچي ويو آهي.