پشاور (ويب ڊيسڪ) سي ٽي ڊي ۽ پوليس جو مردان ۾ گڏيل آپريشن دوران 4 دهشتگرد مارجي ويا. ڪائونٽر ٽيررازم ڊپارٽمينٽ موجب مردان جي علائقي ڪاٽلنگ ۾ اهم آپريشن ڪيو ويو.
پوليس سان گڏيل آپريشن جي دوران دهشتگردن جو ڪمانڊر باسط مارجي ويو جڏهن ته ڪارروائي ۾ وڌيڪ 3 دهشتگرد به مارجي ويا.
مارجي ويل دهشتگردن جي لاشن کي ڪاٽلنگ ٽائپ ڊي اسپتال منتقل ڪيو ويو آهي. مردان جي چوره ٿاڻي جي حد ۾ ڪيل آپريشن کان پوءِ علائقي ۾ سرچ آپريشن جاري آهي.
