لنڊن ( ويب ڊيسڪ ) پاڪستان ڪرڪيٽ ٽيم جي اڳوڻي ڪپتان شاهد آفريدي گوتم گمڀير کي ڀارتي ڪرڪيٽ ٽيم جو هيڊ ڪوچ بڻائڻ تي ردعمل جو اظهار ڪيو آهي.
هڪ پرڏيهي اسپورٽس چئنل سان ڳالهائيندي شاهد آفريدي چيو ته هو سمجهي ٿو ته هي نئون موقعو تمام وڏو آهي، هاڻ گوتم گمڀير تي آهي ته هو موقعي مان ڪيئن فائدو وٺي ٿو.
اڳوڻي ڪپتان چيو ته ڪڏهن ڪڏهن سندس انٽرويوز وغيرا ٻڌندو آهي، هو هاڪاري سوچ رکندڙ سچو، کرو ۽ سڌي ڳالهه ڪندڙ آهي.
واضح رهي ته ٽي ٽوئنٽي عالمي ڪپ کٽڻ سان گڏوگڏ راهول ڊريوڊ جو ڪوچ طور ڀارتي ٽيم سان سفر تمام ٿي ويو هو، جنهن کانپوءِ 42 ورهين جي گوتم گمڀير کي بي سي سي آءِ جو طرفان ڀارتي ٽيم جو هيڊ ڪوچ مقرر ڪيو هو.
ياد رهي ته ماضيءَ ۾ پاڪ-ڀارت مقابلي دوران ميدان ۾ گوتم گمڀير ۽ شاهد آفريدي هڪٻئي سان ڏند چڪ ڏنا هئا ۽ ڊگهي عرصي تائين اِها ميچ بحث جو موضوع بڻيل رهي.
gautamgambhir shahidafridi BCCI
