ڪنڌڪوٽ (رپورٽ ممتازسنڌي) ڪنڌڪوٽ ۾ پوليس چوڪيءَ تي ڌاڙيلن حملو ڪري ڏنو، 2 پوليس اهلڪار شهيد، ٻه زخمي ٿي پيا. پوليس جي جوابي فائرنگ ۾ هڪ ڌاڙيل مارجي ويو، چئن ڌاڙيلن کي زخمي ڪرڻ جي به دعويٰ ڪئي وئي.
پوليس موجب ڪچي ۾ ددڙ چيڪ پوسٽ تي ڌاڙيلن فائرنگ ڪئي، جنهن جي نتيجي ۾چوڪيءَ تي موجود 2 اهلڪار شهيد ٿي ويا ۽ 2 زخمي ٿيا، ڌاڙيل فائرنگ ڪندي ڪچي طرف فرار ٿي رهيا هئا ته پوليس جوابي ڪارروائي ڪئي.
پوليس جي جوابي ڪارروائي ۾ ڀيو گينگ جو سربراهه احمدو ڀيو مارجي ويو، جڏهن ته 4 ڌاڙيل پڻ زخمي ٿي پيا، وڏي وزير مراد علي شاهه حملي جي مذمت ڪئي ۽ آءِ جي کي واقعي جي تفصيلي جاچ ڪري رپورٽ ڏيڻ جي هدايت ڪئي.
شهيد اهلڪار ۾ نوشهروفيروز جو رهواسي نثار ڪلهوڙو ۽ ڪنڌڪوٽ واسي الله ڏنو سبزوئي شامل آهن، اهلڪار جا لاش اسپتال منتقل ڪري ضروري ڪارروائين بعد اباڻن گهرن ڏانهن روانا ڪيا ويا.
Pakistan SindhGovt SindhPolice
