ڪراچي (ويب ڊيسڪ) ڪي اليڪٽرڪ ترجمان چيو آهي ته 70 سيڪڙو نيٽ ورڪ لوڊشيڊنگ کان آجو آهي، جڏهن ته لوڊشيڊنگ جي شيڊيول ۾ وڏي تبديلي ناهي ڪئي وئي.
ڪي اليڪٽرڪ ترجمان طرفان جاري ڪيل بيان ۾ چيو ويو آهي ته ڪي اليڪٽرڪ نيٽ ورڪ جو ٽن مهينن جو جائزو مڪمل ٿي ويو، لوڊشيڊنگ شيڊيول ۾ وڏي تبديلي ناهي ڪئي وئي.
ترجمان ٻڌايو ته نيٽ ورڪ جو مجموعي طور تي 70 سيڪڙو حصو جيئن جو تيئن لوڊشيڊنگ کان آجو آهي، رڳو 30 سيڪڙو نيٽ ورڪ ۾ بجلي بلن جي وصولين جي بنياد تي لوڊشيڊنگ جو دورانيو طئي ڪيو ويندو آهي.
ترجمان موجب ترميم ٿيل شيڊيول لاڳو ٿي چڪو آهي ۽ ويب سائيٽ، ڪي اي لائيو ايپ ۽ واٽس ايپ تي به موجود آهي.
ترجمان ٻڌايو ته جائزي ۾ انفرادي طور فيڊرن ۾ لاها چاڙها ڏٺا ويا پر مجموعي صورتحال ۾ وڏي تبديلي ناهي، لوڊشيڊنگ جو دارومدار چوري ۽ عدم ادائيگي جي شرح تي هوندو آهي، ان ۾ گهٽتائي سان بجلي فراهمي ۾ بهتري ٿيندي آهي.
kelectric karachi sindh
