ڪراچي (ويب ڊيسڪ) پاڪستان آٽزم سينٽر جي گڏيل سهڪار سان نفسيات جي شعبي جي انتظام هيٺ وفاقي اردو يونيورسٽي جي عبدالحق ڪيمپس ۾ شاگردن ۽ شاگردياڻين لاءِ آگاهي سيمينار ڪوٺايو ويو.
سيمينار جو مقصد شاگردن ۽ شاگردياڻين ۾ پاڪستان ۾ ٻارن جي وڌندڙ ذهني مرضن، خاص طور تي آٽزم جي حوالي سان روشني وڌي وئي.
نفسيات جي ماهرن دانيا عبدالمعروف ۽ سارا احسان پاڪستان ۾ آٽزم جي وڌندڙ رجحان، سببن، سڃاڻپ، رنڊ روڪ ۽ مختلف علاج جي طريقن بابت تفصيل سان روشني وڌي.
ان کانسواءِ ڪهڙي ريت معاشري ۾ اهڙن ٻارن لاءِ انسان دوست ماحول ٺاهي سگهجي ٿو، جنهن سان سندن ذهني مرض کي منهن ڏيڻ ۾ مدد ڏئي سگهجي.
آخر ۾ نفسيات جي شعبي جي صدر ۽ انچارج آرٽس عبدالحق ڪيمپس، ڊاڪٽر شاهد اقبال اهم ۽ ڪارائتي ڄاڻ ڏيڻ تي نفسيات جي ماهرن جا ٿورا مڃيا ۽ تعريفي سندون ورهايون.