ڪراچي (ويب ڊيسڪ) ڪراچي جي مقامي عدالت عورت جي شڪايت تي پينو فقيرن خلاف ڪارروائي جو حڪم ڏئي ڇڏيو.
ڪراچي جي ايڊيشنل سيشن جج اولهه شهر جي روڊن ۽ ٽريفڪ سنگلز تي پينو فقيرن جي ڀرمار خلاف ڪيس جي ٻڌڻي ڪئي، جنهن ۾ عدالت سڄي شهر ۾ سگنلز تي موجود پينو فقيرن خلاف ڪريڪ ڊائون جو حڪم ڏنو.
عدالت چيو ته پينو فقيرن ۽ انهن جي سهولتڪارن کي گرفتار ڪري قانوني ڪارروائي ڪئي وڃي.
ايڊيشنل سيشن جج چيو ته پنڻ جو ڪاروباري نيٽ ورڪ ٺاهيندڙن خلاف به ڪارروائي ڪئي وڃي، عدالتي حڪم تي شهر ۾ پينن خلاف ڪارروائي ڪري تفصيلي رپورٽ پيش ڪئي وڃي، جڏهن ته عدالتي حڪم تي عملدرآمد جي ذميواري ڪراچي پوليس چيف سميت ڊي آءِ جي اولهه ۽ اولهه زون جي آهي.
عدالت چيو ته سمورا آفيسر حڪم تي عملدرآمد يقيني بڻائين، ايڊيشنل آءِ جي ڪراچي ان حوالي سان فوڪل پرسن جي مقرري ۽ ڪارروائي جي رپورٽ هر مهيني پيش ڪري، پينن خلاف قائم اداري کي فعال بڻايو وڃي.
