لاڙڪاڻو/ وارهه ( رپورٽ : وحيد ابڙو + منظور قريشي ) وارھه ۾ اجتماعي زيادتيءَ بعد قتل ڪيل ناري نازيه چنو جي خون جو جرڳو لاڙڪاڻي ۾ ڪيو ويو ملزمن مٿان 75 لک ڏنڊ مقرر ڪيو ويو منظور چولياڻي جي سرپئنچي هيٺ ٿيل جرڳي ۾ جوابدار عيسيٰ کرل ۽ وزير ڇٽو مٿان 75 لک ڏنڊ وڌو ويو ملزم سينٽرل جيل ۾ قيد آهن ڏنڊ جي رقم ادا ڪرڻ کان پوءِ وارث ڪيس تان هٿ کڻندا ڌُرين پاران فيصلي جي تصديق ڪئي وئي ان ڏس ۾ 9 مھينا اڳ وارھ جي سومرا مُحلي ۾ اجتمائي ڏاڍائي بعد قتل ڪيل ناري نازيه ڌيءُ اختيار علي چنو جي خون جو جرڳو سرپنچ منظور علي چولياڻي جي سرپنچي ۾ لاڙڪاڻي ۾ ڪيو ويو جنھن ۾ قتل ٿيل ناري نازيه چنو جي عزيزن سميت الزام ھيٺ آيل ملزمن عيسي’ کرل ۽ وزير ڇُٽو جي ڌر جي ماڻھن شرڪت ڪئي جرڳي دوران ملزمن تي ناري سان ڏاڍائي ۽ قتل جو ڏوھ ثابت ٿيڻ تي مٿن 75 لک ڏنڊ رکيو ويو ۽ ڏنڊ جي رقم ناري جي وارثن کي قسطن ۾ ادا ڪئي ويندي جرڳي جي اھڙي تصديق ناري جي وارثن ڪري ڇڏي آھي جڏھن ته واقعي ۾ ملوث جوابدار عيسي’ کرل ۽ وزير ڇُٽو سينٽرل جيل لاڙڪاڻي ۾ قيد آھن جرڳي دوران اُھو به طئي ڪيو ويو ته ڏنڊ جي رقم ملڻ بعد ناري جا وارث ڏوھي ڌر کي رضانامو ڏئي ڪيس تان ھٿ کڻندا.