اسلام آباد (ويب ڊيسڪ) پاڪستان انٽرنيشنل ايئرلائن جي نجڪاري ۾ ملڪي ۽ پرڏيهي سيڙپڪارن دلچسپي ظاهر ڪري ڇڏي.
ذريعن موجب پي آءِ اي جي نجڪاري ۾ ملڪي، پرڏيهي سيڙپڪارن تفصيل حاصل ڪيا، سيڙپڪار پاڪستاني ايئرلائن جي نجڪاري لاءِ 3 مئي تائين آڇون جمع ڪرائي سگهن ٿا.
ذريعن جو چوڻ آهي ته پي آءِ اي جي نجڪاري ۾ مقامي، پرڏيهي سيڙپڪارن جي ٻولين جو امڪان آهي، مقامي ۽ پرڏيهي سيڙپڪارن جي ان دلچسپي وٺڻ ۾ وزيراعظم اهم ڪردار ادا ڪيو آهي.
ذريعن موجب نجڪاري واري وزير پرڏيهي سيڙپڪارن کي بريفنگ ڏني، جڏهن ته پرڏيهي وزير به ان حوالي سان مدد ڪري رهيو آهي.
