اسلام آباد (ويب ڊيسڪ) تحريڪ انصاف اڳواڻ لطيف کوسا چيو آهي ته شريف ڀائرن جو پاڻ ۾ جهيڙو هلي رهيو آهي.
اسلام آباد ۾ صحافين سان ڳالهائيندي لطيف کوسا چيو ته شهباز شريف پنهنجي وڏي ڀاءَ کي دوکو ڏنو ۽ وزارت عظميٰ کسي ڇڏي، جنهن کانپوءِ ٻنهي ڀائرن جو پاڻ ۾ جهيڙو هلي رهيو آهي.
هن دعويٰ ڪئي ته ن ليگ ۾ راڻا ثناءُ الله، خرم دستگير، جاويد لطيف ۽ سعد رفيق جو الڳ ڌڙو آهي، جيڪو شهباز شريف کي تسليم نٿو ڪري ۽ چئي ٿو ته نواز شريف هوندو ته اسان جي حڪومت هوندي.
سندس چوڻ هو ته شهباز شريف ڪنهن ٻئي جي هنج ۾ ويهي حڪومت ڪري رهيو آهي، ان جو نه ناڻي وارو وزير ۽ نه گهرو وزير پنهنجو آهي.
لطيف کوسا چيو ته نواز شريف هتي ڪاروبار ڪرڻ آيو هو، هن پاڪستان کي ڪاروبار جو حب بڻايو آهي، هتان فائدو کڻي واپس هليو ويندو آهي.
