پشاور (ويب ڊيسڪ) انٽرنيشنل ايسوسي ايشن آف وومين پوليس ايوارڊ حاصل ڪندڙ واحد مسلمان عورت سونيا شمروز کي خيبرپختونخواهه جي تاريخ ۾ پهريون ڀيرو اسسٽنٽ انسپڪيٽر جنرل آف پوليس (اي آءِ جي) اسٽيبلشمنٽ تعينات ڪيو ويو.
ايبٽ آباد ضلعي سان واسطو رکندڙ سونيا شمروز ڊي پي او چترال ۽ ڊي پي او بٽگرام جي عهدن تي به پنهنجا فرض سرانجام ڏئي چڪي آهي، سونيا 2013 ۾ پوليس سروس جوائن ڪئي هئي.
نجي ٽي وي سان ڳالهائيندي سونيا جو چوڻ هو ته هاڻي وڏي ذميواري ملي آهي، صوبي ۾ عورت آفيسرن کي مرد آفيسرز جي مقابلي ۾ برابر جا حق ڏنا پيا وڃن، ڪڏهن به ڪنهن عهدي لاءِ سفارش ناهي ڪئي.
هن چيو ته صوبي ۾ ڪم ڪرڻ جي لحاظ سان بهتر ماحول آهي، پنهنجي خدمتن تي بين الاقوامي ۽ قومي سطح تي ايوارڊ حاصل ڪيا، ايوارڊ جبري شادين ۽ عورتن تي تشدد جي واقعن جي روڪٿام جي حوالي سان آهن.
ان حوالي سان آءِ جي خيبرپختونخواهه اختر حيات ٻڌايو ته صوبي ۾ عورت پوليس آفيسرن ۽ اهلڪارن کي خصوصي ترجيح ڏني پئي وڃي.
