لنڊن ( ويب ڊيسڪ ) انگلينڊ جي ٽيسٽ تاريخ جي عظيم ترين اسپنر ڊيرڪ انڊرووڊ 78 ورهين جي ڄمار ۾ لاڏاڻو ڪري ويو.
پرڏيهي ميڊيا موجب، ليجنڊري اسپنر انڊر ووڊ 1966ع کان 1982 دوران 86 ٽيسٽ ميچن ۾ 297 وڪيٽون حاصل ڪيون ۽ پنهنجي سموري فرسٽ ڪلاس ڪرڪيٽ ڪينٽ طرفان کيڏي.
هن 17 ورهين جي عمر ۾ ڊيبيو ڪيو ۽ ٽن ڏهاڪن تي ٻڌل پنهنجي فرسٽ ڪلاس ڪيريئر ۾ 9 سئو کان وڌيڪ ميچون کيڏيون.
انڊر ووڊ 1963-1987 تائين رڳو 19.04 جي ايوريج سان 2523 وڪيٽون حاصل ڪيون.
انڊر ووڊ انگلينڊ جي تاريخ ۾ ڇهون سڀ کان وڌيڪ وڪيٽون وٺندڙ بالر آهي.
اڳوڻي آءِ سي سي ٽيسٽ رينڪنگ موجب ، انڊر ووڊ سپٽيمبر 1969 کان آگسٽ 1973 تائين دنيا جي نمبر هڪ بالر رهيو.
انڊر ووڊ 1987 ۾ ڪرڪيٽ تان رٽائرمينٽ ورتي ۽ ڪينٽ جي نمائندگي ڪندي 3 ڪائونٽي چيمپيئن شپ، ٻه ون ڊي ڪپ، 3 نيشنل ليگ ۽ 3 بينسن اينڊ هيجز ڪپ کٽيا.
هن کي 1981 جي نئين سال جي اعزازي فهرست ۾ ڪرڪيٽ جي ميدان خدمتن جي اعتراف طور ام بي اي ايوارڊ سان نوازو ويو .
انڊر ووڊ 2006ع ۾ ڪينٽ ڪرڪيٽ ڪلب جي صدر طور خدمتون انجام ڏنيون، 2008 ۾ کيس ميريليبون ڪرڪيٽ ڪلب جو صدر نامزد ڪيو ويو، جڏهن ته 2009ع ۾ سندس نالو آءِ سي سي جي ڪرڪيٽ هال آف فيم ۾ شامل ڪيو ويو هو.
ڪينٽ ڪرڪيٽ جي چيئرمين سائمن فلپ چيو ته ڪينٽ ڪرڪيٽ فيملي پنهنجي هڪ عظيم ترين رانديگر جي لاڏاڻي کانپوءِ سوڳوار آهي.
ڳوار آهي.