اسلام آباد ( ويب ڊيسڪ ) وچ اوڀر ۾ وڌندڙ ڇڪتاڻ سبب عالمي منڊي ۾ تيل اگهه وڌي ويا آهن جنهن سبب ملڪ ۾ 16 اپريل کان ايندڙ 15 ڏينهن لاءِ پيٽرول ۽ ڊيزل جي اگهن ۾ ساڍا 8 رپيا في ليٽر واڌ جو امڪان آهي.
ٻئي پاسي امپورٽ پريميئم ۾ گهٽتائي ۽ ناڻي شرح ۾ معمولي بهتري ٿي آهي.
ذريعن موجب عالمي مارڪيٽ ۾ پيٽرول ۽ ڊيزل جي اگهن ۾ ترتيبوار 4 ڊالر ۽ ساڍا 4 ڊالر في بيرل واڌ ٿي آهي.
انهن انگن اکرن موجب ملڪ ۾ پيٽرول جي اگهه ۾ اڍائي رپين کان 2 رپيا 80 پيسا في ليٽر واڌ ٿي سگهي ٿي.
ڊيزل جي اگهن ۾ 8 رپين کان ساڍا 8 رپيا واڌ جو امڪان آهي.
ذريعن جو چوڻ آهي ته پيٽروليم شين جي قيمتن جو حتمي فيصلو وزيراعظم جي مشاورت سان ناڻي واري وزارت ڪندي آهي.
