لاهور (ويب ڊيسڪ) قومي ٽيم جو فاسٽ بالر احسان الله انجري مان ڇوٽڪارو حاصل ڪرڻ لاءِ ڪجهه ڏينهن ۾ انگلينڊ روانو ٿيندو.
پاڪستان ڪرڪيٽ بورڊ احسان الله کي انجري مان ڇوٽڪارو ڏيارڻ لاءِ برطانيا ۾ سمورا انتظام مڪمل ڪري ورتا آهن، ان حوالي سان پي ايس ايل فرنچائز ملتان سلطانز به فاسٽ بالر سان سهڪار ڪري رهي آهي.
احسان الله ٺوٺ ۾ تڪليف سبب سرجري ڪرائڻ باوجود مڪمل ڇوٽڪارو حاصل نه ڪري سگهيو ۽ هو ري هيب باوجود تڪليف جو شڪار آهي، جنهن سبب پي ايس ايل جو هلندڙ سيزن به نه کيڏي سگهيو.
فاسٽ بالر پنهنجي پيغام ۾ مداحن کي مبارڪباد ڏني ۽ آگاهه ڪيو ته هو سرجري لاءِ انگلينڊ وڃي رهيو آهي، دعا ڪيو ته جلد فٽ ٿي وڃي.
