ممبئي(ويب ڊيسڪ) قومي ڪرڪيٽ جي اڳوڻي ڪپتان ۽ آل رائونڊر شعيب ملڪ جي ٻي شاديءَ بابت ڪنگ خان جي پراڻي وڊيو سوشل ميڊيا تي وائرل ٿي آهي.
شعيب ملڪ جو نالو مشهور شخصيتن ۾ شامل آهي جن هڪ کان وڌيڪ شاديون ڪيون آهن، مختلف ميڊيا رپورٽس موجب اها دعويٰ ڪئي آهي ته قومي ڪرڪيٽر ٽي شاديون ڪيون آهن پر شعيب ملڪ موجب هن رڳو ٻه شاديون ڪيون آهن پهرين ثانيا مرزا سان جيڪا 13 سال هلي ۽ ٻي ثنا جاويد سان جيڪا هن 20 جنوري تي ڪئي.
شادي جي اعلان بعد شعيب ملڪ ۽ ثنا جاويد پنهنجن ئي مداحن جي تنقيد جو نشانو بڻيا. انهن مداحن پاران ئي شاهه رخ خان جي پراڻي وڊيو وائرل ٿي آهي جنهن ۾ شاهه رخ خان اسٽيج تي ثانيا مرزا کي چئي ٿو ته شعيب ملڪ کان اسٽيج پٺيان سوال ڪيو ته ثانيا مرزا سان شادي کان پوءِ هن پاڪستاني ڇوڪرين کي ڇا چيو آهي جيڪي هن سان شادي جي خواهش رکن ٿيون؟
View this post on Instagram
شاهه رخ خان پنهنجي ڳالهه جاري رکندي چيو ته شعيب ملڪ جواب ڏنو آهي ته پاڪستاني ڇوڪرين کي چيو آهي ته هو پنهنجي واري جو انتظار ڪن، انهن سان به شادي ٿي ويندي. ان تي ثانيا مرزا پڇيو ”ڇا واقعي شعيب اهو جواب ڏنو آهي؟“ جنهن تي شاه رخ خان تصديق ڪندي چيو ته ها هن اهو ئي جواب ڏنو آهي.
ان وائرل وڊيو تي رد عمل ڏيندي سوشل ميڊيا واهپيدارن جو چوڻ آهي ته شعيب ملڪ ڪيترائي سال اڳ سچ چيو هو.