ڪراچي ( ويب ڊيسڪ ) ڪراچي جي مقامي عدالت منشيات جو ڏوهه ثابت ٿيڻ تي جوابدار کي عمر قيد جي سزا ٻڌائي ڇڏي.
ڪراچي جي ايڊيشنل ڊسٽرڪٽ سيشن جج ملير جي عدالت ۾ ڪيس جي ٻڌڻي ٿي جنهن دوران پراسيڪيوشن عدالت کي ٻڌايو ته پوليس جوابدار کي 2023ع ۾ ڳجهي اطلاع تي گرفتار ڪيو، تلاشي دوران جوابدار وٽان چاليهه ڪلو چرس هٿ آيو هو.
پراسيڪيوشن موجب، چرس رڪشي جي سيٽ جي هيٺان لڪايو ويو هو ۽ جوابدار خلاف ابراهيم حيدري ٿاڻي ۾ ڪيس داخل آهي.
عدالت پراسيڪيوشن جا دليل ٻڌڻ کانپوءِ ڏوهه ثابت ٿيڻ تي جوابدار کي عمر قيد جي سزا ٻڌائيندي ڏهن لکن جو ڏنڊ به مڙهي ڇڏيو.
