اسلام آباد ( ويب ڊيسڪ ) وزيراعظم رمضان پئڪيج تحت شهرين جي سهولت لاءِ يوٽيليٽي اسٽورز جو وقت وڌائڻ جي هدايت ڪري ڇڏي.
ذريعن موجب، وزيراعظم شهباز شريف جي هدايت تي يوٽيليٽي اسٽورز ڪارپوريشن اسٽورز جو وقت وڌائي ڇڏيو.
ذريعن جو چوڻ آهي ته يوٽيليٽي اسٽورز هاڻي افطاري کانپوءِ رات 10 وڳي تائين کليل رهندا.
هدايتن تي عملدرآمد لاءِ زونل ۽ جنرل مئنيجرز کي حڪم جاري ڪيا ويا آهن.
ان کانسواءِ يوٽيليٽي اسٽورز ملازمن کي روزاني بنياد تي پنج سئو رُپيا افطاري الائونس پڻ ملندو .
