بيجنگ (ويب ڊيسڪ) چيني صدر شي جن پنگ آصف علي زرداري کي پاڪستان جون 14 هون صدر چونڊجڻ تي واڌايون ڏنيون آهن.
پنهنجي واڌائين جي پيغام ۾ چيني صدر جو چوڻ هو ته پاڪ چين پراڻي دوستي، تاريخ ۽ عوام جو خزانو آهي، چين ۽ پاڪستان سٺا پاڙيسري، دوست، ڀائيوار ۽ ڀائر آهن.
شي جن پنگ چيو ته ٻنهي ملڪن سي پيڪ جي تعمير ۾ هاڪاري نتيجا حاصل ڪيا، پاڪستان ۽ چين ويجهي اعليٰ سطحي ڏي وٺ برقرار رکي ۽ ٻنهي ملڪن بنيادي مفادن بابت معاملن تي هڪ ٻئي جي حمايت ڪئي.
چيني صدر پنهنجي پيغام ۾ چيو ته چين ۽ پاڪستان جي اهميت وڌيڪ نمايان ٿي وئي آهي، مختلف شعبن ۾ عملي سهڪار اڳتي وڌائڻ لاءِ صدر زرداري سان گڏ ڪم ڪرڻ لاءِ تيار آهيون.
You might also like