ڪراچي (ويب ڊيسڪ) سنڌ جي وڏي وزير مراد علي شاهه 22 ارب رپين جي رمضان رليف پيڪيج جو اعلان ڪري ڇڏيو.
مراد علي شاهه جي صدارت هيٺ رمضان المبارڪ ۾ اگهه ڪنٽرول ڪرڻ جي حوالي سان اجلاس ٿيو، جنهن ۾ رمضان رليف پيڪيج جو به اعلان ڪيو ويو.
ترجمان موجب وڏي وزير 22.5 ارب رپين جي رمضان پيڪيج جو اعلان ڪيو، جهن تحت سنڌ جي 60 سيڪڙو آبادي کي 5 هزار رپيا روڪ ڏنا ويندا.
ترجمان ٻڌايو ته گهٽ کان گهٽ پگهار وارن 44 لک خاندانن کي رمضان ۾ رليف ڏيڻ جو فيصلو ڪيو ويو آهي، گهٽ کان گهٽ آمدني 34 هزار رپيا آهي ۽ اهڙي هر خاندان کي رمضان ۾ 5 هزار رپيا بئنڪ ذريعي ڏنا ويندا.
ترجمان موجب جيڪڏهن 44 لک خاندانن کي 5 هزار رپيا ڏنا وڃن ته رقم 22.5 ارب رپين کان وڌيڪ ٿئي ٿي.
