ڪراچي (ويب ڊيسڪ) ايم ڪيو ايم جي حڪومت ۾ ڀائيواري جي معاملي تي ايم ڪيو ايم جي رابطا ڪاميٽي فيصلي سازي جو اختيار چار رڪني ڪاميٽي کي ڏئي ڇڏيو آهي.
ڪاميٽي ۾ خالق مقبول صديقي، مصطفيٰ ڪمال، ڪامران ٽيسوري ۽ فاروق ستار شامل آهن.
ذريعن موجب رابطا ڪاميٽي جي فيصلي جي روشني ۾ ڪو هڪ شخص اڪيلو فيصلو نه ڪندو.
چئني ڪاميٽي ميمبرن جي مشاورت سان حڪمت عملي ۽ حڪومت ۾ ڀائيواري جو فيصلو ٿيندو.
ذريعن موجب ڪاميٽي اڳواڻ خالد مقبول صديقي لاهور ناهي ويو اسلام آباد ۾ ئي موجود آهي.