لاهور (ويب ڊيسڪ) وفاقي جاچ اداري مني لانڊرنگ ڪيس ۾ پنجاب جي اڳوڻي وڏي وزير چوڌري پرويز الاهي جي پٽ مونس الاهي جون سموريون ملڪيتون منجمند ڪري ڇڏيون آهن.
لاهور جي اسپيشل سينٽرل ڪورٽ ۾ مونس الاهي خلاف مني لانڊرنگ ڪيس ۾ وڏي اڳڀرائي ٿي، ايف آءِ اي رپورٽ عدالت ۾ جمع ڪرائي ڇڏي.
عدالت مني لانڊرنگ ڪيس جي گذريل ٻڌڻي جو لکت ۾ حڪم جاري ڪيو.
لکت واري حڪم ۾ چيو ويو آهي ته رپورٽ موجب مونس الاهي عدالت مان اشتهاري ٿي چڪو آهي جڏهن ته مونس الاهي جي گرفتاري لاءِ ريڊ نوٽيس جاري ڪيو ويو آهي.
