ملير (ڊ ر) پي ايس 84 ملير تان پاڪستان پيپلزپارٽي جي اميدوار يوسف مرتضيٰ بلوچ جي سرسري تي جيالن جو جشن وارو سمان، ڪارڪنن جو وڏو انگ پهچي ويو. گڏاپ ۾ قائم ڪئمپ تي جشن واري صورتحال، ڪارڪنن جون جهمريون ۽ رقص، ان موقعي تي پ پ اميدوار يوسف مرتضيٰ بلوچ ميڊيا سان ڳالهائيندي چيو ته ملير ضلعي جي عوام هميشه پاڪستان پيپلزپارٽي کي اڪثريت سان ڪامياب ڪرايو آهي ۽ عوام ئي اسان جو اثاثو آهي جنهن تي اسان کي فخر آهي هن چيو ته سنڌ ۽ وفاق ۾ انشاءَالله پاڪستان پيپلزپارٽي جون حڪومتون قائم ٿينديون ۽ عوام جي حڪمراني ٿيندي، هن چيو ته هاڻي اسان تي فرض ٿئي ٿو ته عوام جي هر ڏک، سور ۽ انهن جي خوشي ۾ اسان انهن سان شانابشانه گڏ هونداسين هن چيو ته پاڪستان پيپلزپارٽي جي نوجوان قيادت بلاول ڀٽو زرداري ملڪ ۽ عوام جي بهتري لاءِ هڪ نئين جذبي سان ترقي جا قدم کڻندو ته جيئن پاڪستان جي نوجوانن جو بهتر مستقبل ٿئي ۽ هو اڳيان وڌندا هن چيو ته آئون پاڪستان پيپلزپارٽي پنهنجي وڏڙن، ملير جي معززين ۽ راڄن جي چڱن مڙسن جو ٿورائتو آهيان جن مون کي ووٽ ڏيئي ڪامياب ڪرايو آئون وچن ٿو ڪيان ته پنهنجي والد شهيد مرتضيٰ بلوچ جيان ملير واسين جي خدمت ڪيان ۽ ملير جي ترقي ۾ هڪ نئون باب قائم ڪيان.
