ڪوٽڙي ( رپورٽر نويد راجپوت ) ڄامشوري ضلعي ۾ چونڊ مهم دوران ظابطا اخلاق جي ڀڃڪڙيءَ تي يوسي چيئرمين، ميونسپل وائس چيئرمين سميت 5 ڪائونسلر کان جواب طلب ڪيو ويو آهي.
ضلعي مانيٽرنگ سيل ڄامشورو پاران يوسي سنڌ يونيورسٽي جي چيئرمين عاقب ميمڻ، ميونسپل ٻولهاڙي جي وائس چيئرمين منٺار خاصخيلي ۽ ڄامشوري ٽائون جي پنجن ڪائونسلرن سيد اصغر شاهه، لال صمد پٺاڻ، ارشد علي سهتو، غلام شبير بليدي ۽ غلام شبير چانڊيو کان صوبائي تڪ پي ايس 78 ۽ پي ايس 79 تي پ پ اميدوارن جي اليڪشن ورڪ ڪرڻ جر الزام ھيٺ کين جواب طلبي لاءِ نوٽيس جاري ڪندي کانئن لکت ۾ جواب طلب ڪيو ويو آهي.
چونڊن ظابطن جي ڀڃڪڙي ڪندڙ ستن ئي چونڊيل نمائندن کي اليڪشن ايڪٽ 2017 تحت ڊسٽرڪٽ مانيٽرنگ آفيسر جي آفيس ۾ اڄ جواب طلبي لاءِ سڏايو ويو.
ڄاڻايل چونڊيل نمائندن خلاف اليڪشن ڪميشن آف پاڪستان جي شڪايتي پورٽل وسيلي درخواست ملي جنهن تي فوري طور ايڪشن ورتو ويو اهي.
ڄامشوري ۾ سياسي سرگرميون تيز، اميدوارن جي ورڪ ڪرڻ تي بلدياتي نمائندن کي نوٽيس جاري
You might also like