پ پ رت ۾ ڊوڙي ٿي، ڪير پارٽي کان جدا نٿو ڪري سگهي: اعتزاز احسن

لاهور (ويب ڊيسڪ) سينيئر قانوندان اعتزاز احسن چيو آهي ته پ پ منهنجي فيملي آهي، رت ۾ ڊوڙي ٿي، پارٽي کي مون کان ڪير به جدا نٿو ڪري سگهي.
لاهور ۾ پ پ جي جلسي کي خطاب ڪندي اعتزاز احسن چيو ته هتي 10 سال اڳ وڪيلن جي تحريڪ جي اڳواڻي ڪري رهيو هيس، مون کي هر هر چيو ويندو هو ته وڪيلن جي تحريڪ جي اڳواڻي ڪرڻي اٿئي ته پوءِ پ پ ڇڏي اچ، مان چوندو هيس ته پ پ منهنجي فيملي آهي، رت ۾ ڊوڙي ٿي، پ پ کان ڪير به جدا نٿو ڪري سگهي.
سندس موجب ماضي ۾ تصور پيدا ڪيو ويو ته ڄڻ مان پ پ ۾ ناهيان، اهو تصور بلڪل غلط هو، مان توهان جي سامهون آهيان، بلاول ۽ آصفه سان گڏ بيٺو آهيان.
هن چيو ته بلاول ڀٽو جڏهن کان پ پ جي سياست ۾ اهم ڪردار ادا ڪيو ته ڪيترن ئي قسمن جي بحث جنم ورتو، تاثر ڏنو ويو ته بلاول بزرگن کي جماعت مان ڪڍڻ چاهي ٿو، پ پ جي حڪومت 3 ڀيرا آئي، ڪڏهن ائين نه ٿيو ته نواز شريف جيان هڪ ئي وزيراعظم هجي، يوسف رضا گيلاني، راجا پرويز اشرف وزيراعظم رهيا، هاڻ بلاول جو وارو آهي.

You might also like
Leave A Reply

Your email address will not be published.