لاهور(م ڊ) بجلي جي بلن تي ٽيڪس حڪومت جي آمدني جو وڏو ذريعو بڻجي ويو آهي. گذريل ٽن سالن دوران انڪشاف ٿيو آهي ته ان مد ۾ واهپيدارن کان 1410 ارب رپيا ٽيڪس وصول ڪيو ويو آهي. دستاويز موجب 2سالن ۾ بجلي جي بلن تي ٽيڪس وصولي جي شرح ٻيڻي ٿي وئي آهي، 2021ع ۾ بجلي واهپيدارن کان 345 ارب کان وڌيڪ وصول ڪيا ويا، جڏهن ته 2022ع ۾ 461 ارب کان وڌيڪ ۽ 2023ع ۾ 603 ارب کان وڌيڪ وصول ڪيا ويا. دستاويزن موجب ٽيڪس وصولي بجلي جي اصل قيمت کان علاوه آهي، جڏهن ته پي ٽي وي فيس جي مد ۾ 25 ارب 70 ڪروڙ، انڪم ٽيڪس جي مد ۾ 180 ارب کان وڌيڪ ۽ واهپيدارن بلين جي اضافي ٽيڪس جي صورت ۾ 89 ارب 69 ڪروڙ رپيا ادا ڪيا.
