آڪلينڊ ( ويب ڊيسڪ ) نيوزيلينڊ خلاف پهرين ٽي ٽوئنٽي ميچ ۾ نائب ڪپتان محمد رضوان انوکو ڪارنامو انجام ڏئي ڇڏيو.
پاڪستان ٽيم جي نائب ڪپتان محمد رضوان اڳوڻي ڪپتان محمد حفيظ ۽ شاهد آفريدي کي پوتئي ڇڏيندي ٽي ٽوئنٽي فارميٽ ۾ پاڪستان لاءِ سڀ کان وڌيڪ ڇڪا هڻندڙ بيٽر جو اعزاز ماڻي ورتو آهي.
ڪيويز خلاف محمد رضوان 14 بالن تي ٻن چوڪن ۽ ٻن ڇڪن جي مدد سان 25 رنسن جي اننگز کيڏي.
پاڪستان لاءِ ٽي ٽوئنٽي فارميٽ ۾ سڀ کان وڌيڪ ڇڪا هڻندڙ بيٽرن جي فهرست ۾ محمد حفيظ جي ٻي، شاهد آفريدي ٽين، شعيب ملڪ جي چوٿين ۽ عمر اڪمل جي پنجين پوزيشن آهي.