ڪراچي (ويب ڊيسڪ) اداڪارا يشما گِل پاران شيئر ڪيل وڊيو وائرل ٿيڻ کان پوءِ کيس ننڍو لباس پهرڻ تي تنقيد جو نشانو بڻايو پيو وڃي.
يشما گِل انسٽاگرام تي سياري ۾ ننڍو ۽ بولڊ لباس پهري باهه تي هٿ سيڪڻ جي وڊيو شيئر ڪئي جيڪا وائرل ٿي وئي.
اداڪارا جي وڊيو کي ٻين سوشل ميڊيا پيجز پاران به شيئر ڪيو ويو، جتي ماڻهن اداڪارا تي ڇتي تنقيد ڪئي آهي.
ڪجهه سوشل ميڊيا واهپيدارن اداڪارا کي مسلمان هجڻ جا طعنا هنيا ته ڪجهه ماڻهن لکيو ته اداڪارا کي اڄ ڪالهه ڊرامن ۾ ڪو ڪم نه ملي رهيو آهي ان ڪري اهڙيون وڊيوز شيئر ڪندي رهندي آهي.
View this post on Instagram
ڪجهه واهپيدارن اداڪارا جي پوسٽ تي ڪمينٽس ڪيا ته جيڪڏهن هوءَ مڪمل لباس پهري ها ته کيس ايتري ٿڌ نه لڳي ها جڏهن ته ٻين واهپيدارن سندس لباس کي غيرمناسب قرار ڏنو.
