ڪراچي (ويب ڊيسڪ) جيڪڏهن اوهان پنهنجي خوراڪ کي متوازن بڻائڻ چاهيو ٿا ته خشڪ ميون کان بهتر ڪو آپشن ناهي.
خشڪ ميون ۾ گرمي جو اثر هوندو آهي ۽ اهي غذائيت سان ڀرپور هوندا آهن ان لاءِ ماڻهو سياري ۾ انهن جو وڌيڪ استعمال ڪندا آهن.
اهي ميوا رت جي ڳاڙهن سيلز کي وڌائيندا آهن ۽ ڪوليسٽرول جي سطح کي به گهٽ ڪندا آهن.
بادام ۾ رائبوفلاوين نالي مرڪب هوندو آهي جيڪو دماغي سيلز جي واڌ ويجهه ۾ مدد ڪندو آهي.
ماهر بادام کي رات جو ڀڄائي صبح کائڻ جي صلاح ڏيندا آهن.
کنگهه، زڪام جي صورت ۾ بادام رات جو ڀڄائي رکجن ۽ سڀ جو کائي وٺجن.
