ڪراچي (ويب ڊيسڪ) سياري ۾ هر ڪو گرم پاڻي سان وهنجندو آهي، پر ڇا اوهان کي خبر آهي ته گرم پاڻي سان وهنجڻ جا به ڪجهه فائدا آهن.
گرم پاڻي جسم کي آرام ڏيندو آهي، دٻاءُ گهٽ ڪندو آهي.
هن سان کل جا سوراخ کلي ويندا آهن، انهن مان گندگي صاف ٿي ويندي آهي، گرم پاڻي سان وهنجڻ سان زڪام ۽ کنگهه جون علامتون گهٽجي وينديون آهن.
ٻاڦ بند هوا جي نالين ۽ نڪ جا رستا سولائي سان کولڻ ۾ مدد ڪندي آهي.
جڏهن اوهان ٿڪجي پوندا آهيو ته شام جو گرم پاڻي سان وهنجڻ سان ننڊ سٺي ايندي آهي.
گرم پاڻي ۾ پير رکڻ سان رت جي گردش ۾ واڌ ٿيندي آهي.
