سياري جي موسم ۾ عورتن کي کَلَ خشڪ ٿيڻ جي شڪايت رهندي آهي، ۽ اهو مسئلو سندن طبيعت ۾ بيچيني جو سبب به بڻبو آهي.
گليسرين جنهن کي گليسرول چيو ويندو آهي کَلَ جي سار سنڀال لاءِ بهترين آهي جيڪا موئسچرائزنگ خاصيتن سان ڀرپور آهي.
گليسرين کَل جي حفاظت کي برقرار رکڻ، جلن کان آرام ڏيڻ، سنهڙين ليڪن ۽ گھنجن کي گھٽائڻ ۾ ڪردار ادا ڪندي آهي.
گليسرين جو کل تي استعمال عورتن کي منهن جي کل جا هي فائدا ڏئي سگهي ٿي.
کَلَ کي گھم بخشي ٿي
گليسرين هڪ طاقتور هيوميڪٽنٽ آهي جيڪو کل جي قدرتي گھم کي برقرار کندو آهي.
اها کل کي سٺي طرح سان هائڊريٽ ۽ نرم رکڻ ۾ مدد ڪندي آهي. تنهنڪري سياري جي موسم ۾ گليسرين کي موئسچرائزر جي طور تي استعمال ڪري سگھجي ٿو.
کل ۾ جلن کي ختم ڪري ٿي
گليسرين کل کي آرام ڏيندڙ خاصيتن سان ڀرپور آهي جيڪا کل کي بهترين فائدو پهچائي ٿي.
اها زخم ڀرڻ جي عمل ۾ به مدد ڪري ٿي ۽ کل جي سڙڻ کي به ختم ڪري ٿي.
پوڙهائپ جي علامتن کي ختم ڪري ٿي
اها عمر وڌڻ سان کل جي علامتن جهڙوڪ سوڄ، لڙڪڻ ۽ سنهڙين ليڪن کي گھٽائڻ ۾ مدد ڪري ٿي.
