فلوريڊا (ويب ڊيسڪ) آمريڪا جي هڪ واڳن جي پارڪ اڇي رنگ جي ناياب واڳون جي پيدائش جو اعلان ڪيو آهي.
آمريڪي ميڊيا موجب فلوريڊا ۾ گيٽرلينڊ ۽ لينڊو فيسبڪ پوسٽ ۾ اعلان ڪيو آهي ته اهو واڳون ناياب کان به وڌيڪ آهي، اهو بلڪل غير معمولي ۽ دنيا جو پهريون اهڙو واڳون آهي.
پارڪ اختيارين ٻڌايو ته رڳو ست ليوسيٽڪ واڳون دنيا ۾ زندهه رهڻ لاءِ سڃاتا ويندا آهن، ۽ انهن مان ٽي هتي گيٽرلينڊ ۾ رکيا ويا آهن پر سڀني جي کُلُ ٿورا داغ آهن جڏهن نئون ڄاول واڳون مڪمل طور تي اڇو آهي ۽ اهو دنيا ۾ هڪڙو ئي آهي.
گيٽرلينڊ جو چوڻ هو ته واڳن ۾ ليوسيزم هڪ غير معمولي جينياتي حالت آهي. اها حالت اڇي رنگ جو سبب بڻبي آهي پر انهن جي کل تي عام طور تي مخصوص رنگ جا داغ هوندا آهن. انهن داغن کانسواءِ اهي واڳون گھڻي دير تائين سڌي ريت سج جي روشني ۾ نٿا رهي سگھن ڇو جو اهي سولائي سان اُس ۾ سڙي سگھن ٿا.
ليوسيٽڪ واڳون البينو واڳن کان مختلف هوندا آهن جن ۾ رنگ پيدا ڪندڙ جيوگھرڙن جي مڪمل کوٽ هوندي آهي ۽ انهن ۾ چمڪندڙ نيرين اکين بدران گلابي اکيون هونديون آهن.
