ممبئي (ويب ڊيسڪ) بالي ووڊ اداڪار جونيئر محمود ڪينسر سان وڙهندي زندگي جي جنگ هارائي ويو.
ڀارتي ميڊيا اداڪار جي موت جي تصديق ڪندي ٻڌايو ته اداڪار ڪينسر جي مرض ۾ مبتلا هو.
ٻڌايو پيو وڃي ته اداڪار ڪينسر جي 4 اسٽيج تائين پهچي ويو هو جنهن جو انڪشاف 2 هفتا اڳ ٿيو هو.
ميڊيا رپورٽس موجب گذريل رات سندس طبيعت گھڻي خراب ٿي وئي جنهن سبب اداڪار 67 ورهين جي ڄمار ۾ ممبئي ۾ پنهنجي گھر ۾ فوت ٿي ويو.
فلمي ڪيريئر
جونيئر محمود پنهنجي اداڪاري جي شروعات 1976ع ۾ چائلڊ آرٽسٽ طور ڪئي ۽ سندس پهرين فلم ”نونهال“ هئي.
سندس فلمي ڪيريئر 5 ڏهاڪن تي ٻڌل آهي ۽ هن 250 فلمن ۾ ڪم ڪيو آهي، جونيئر محمود جي هٽ فلمن ۾ ڪٽي پتنگ، ميرا نام جوڪر، پرورش سميت ٻيو فلمون شامل آهن.
