فلڪيات ماهرن نئين سال بابت چئن ستارن کي چونڊيو آهي ۽ ان جي حوالي سان اڳڪٿي ڪئي آهي ته اهي 2024ع ۾ دولت جي معاملي ۾ خوش قسمت رهندا ڇو جو اهي ستارا ٻين ڀيٽ ۾ وڌيڪ پئسا ڪمائيندا.
اچو ته ڏسون ٿا ته اهي ڪهڙا چار ستارا آهن.
برج سنبله
خوش قسمت ستارن ۾ سڀ کان پهريان برج سنبله اچي ٿو جيڪو 23 آگسٽ کان 22 سيپٽمبر تائين ڄاول ماڻهن جو هوندو آهي، ماهرن موجب جڏهن 2024ع شروع ٿيندو ته ان برج وارا ماڻهو اڳ ئي مالي طور تي مضبوط هوندا سندن ان لحاظ سان سٺو وقت 14 آڪٽوبر 2023ع کان پوءِ شروع ٿيو هو.
مارچ 2024ع تائين اوهان کي مالي طور تي ڏکيائي نه اچڻ جا امڪان واضح آهن، پر ان کان پوءِ ڪجهه عرصي لاءِ متان اوهان کي مسئلا ٿين پر اهي وقتي هوندا.
آڪٽوبر ۾ امڪان آهي ته اوهان سڀ کان وڌيڪ دولت ڪمائيندا.
برج عقرب
اوهان وٽ هن سال غور ڪرڻ لاءِ گھڻا معاملا آهن، گذريل ڪجهه سالن ۾ اوهان پنهنجو ڪنٽرول ڪندڙ عادتن تحت نقصان کنيو آهي، ان کانسواءِ اوهان مالي اعتبار سان به پريشانين کي منهن ڏنو، پر هاڻي ائين ٿيندي نظر نه پيو اچي.
ماهرن موجب پهرين جنوري کان 25 مئي تائين،اوهان کي پنهنجي ڪيريئر تي خاص ڌيان ڏيڻ گھرجي، اهي موقعا جن جو اوهان کي ڪيتري ئي عرصي کان انتطار هو، ان جي پورو ٿيڻ جا امڪان آهن.
23 آڪٽوبر کان 21 نومبر تائين ڄاول جيڪي عقرب سان واسطو رکن ٿا، انهن جو ستارو به انهن خوش قسمت ستارن ۾ شامل آهي جيڪي 2024ع ۾ سٺو پئسو ڪمائيندا.
برج جدي
22 ڊسمبر کان 19 جنوري جي پيدائش واري برج جدي جا ماڻهو هوندا آهن ۽ اوهان به هن سال خوش قسمت رهندڙ آهن ڇو جو انهن کي به ظاهري طور نئين سال ۾ مالي طور تي ڏکيائيون ناهن ٿينديون.
جيڪڏهن اوهان محنت ۽ پنهنجي حاضر دماغي سان ڪم ڪندا رهيا ته اهو سال اوهان لاءِ گھڻو فائديمند ثابت ٿيڻ وارو آهي.
برج حوت
ان جي آخر ۾ برج حوت آهي پر اهم ڳالهه اها آهي ته حوت ان لسٽ ۾ شامل آهي.
جي ها! ماهرن جي اڳڪٿي ۾ اوهان جو ستارو به موجود آهي، ٻين جي ڀيٽ ۾ اوهان به هن سال مالي طور تي قوس قسمت رهڻ وارو آهيو.
