سڪرنڊ (ويب ڊيسڪ) سڪرنڊ ۾ تيز رفتار ٽرڪ موٽرسائيڪل کي ٽڪر هڻي ڪڍيو جنهن جي نتيجي ۾ ٽي ڀائر ٿڏي تي فوت ۽ هڪ ڄڻو زخمي ٿي پيو.
سرهاڙي لنڪ روڊ تي ٻاٺو شاخ وٽ حادثي ۾ 18ورھين جو شمن خاصخيلي، 40 ورھين جو گلشير خاصخيلي ۽ 24 ورھين جو منور پٽ شاھ محمد خاصخيلي فوت ٿي ويا، جڏھن ته آصف زخمي ٿي پيو
ڳوٺاڻن جي اطلاع تي ايمبولينس ذريعي فوتين جا لاش ۽ زخمي کي تعلقي اسپتال آندو ويو.
زخمي آصف خاصخيلي جي حالت ڳڻتي جوڳي ھئڻ سبب کيس نواب شاھ اسپتال نيو ويو آھي
ڳوٺاڻن جو چوڻ آھي ته فوتي ۽ زخمي سڳا ڀائر آھن جيڪي سڪرنڊ ڀرسان ڳوٺ نبي بخش خاصخيلي جا رھواسي ھئا
ڀائر موٽرسائيڪل تي ڪيلي جي مذدوري لاءِ وڃي رھيا هئا ته حادثو پيش آيو.
