ڪراچي(ويب ڊيسڪ)پاڪستاني اداڪار خاقان شاهنواز انڪشاف ڪيو آهي ته هو ڪراچي ۾ فلٽر جي پاڻي سان وهنجندو آهي.
پاڪستاني شوبز انڊسٽري ۾ اداڪار خاقان شاهنواز پنهنجي اکين ۽ چمڙي جي ڪري گهڻو مشهور آهي جنهن حوالن سان مختلف پروگرامن ۾ سندس خوبصورتي بابت سوال ڪيا ويندا آهن.
اداڪار شاهنواز تازو ئي هڪ شو ۾پنهنجي اداڪاري سميت مختلف موضوعن تي ڳالهه ٻولهه ڪئي.
ميزبان طرفان خاقان کان سيالڪوٽ ۽ ڪراچي جي آب و هوا بابت سوال ڪيو جنهن جي جواب ۾ هن چيو ته سيالڪوٽ جو زميني پاڻي تمام سُٺو آهي جنهن جي ڪري چمڙي ۽ وار اڃا به سُٺا ٿي ويندا آهن.
ان سان گڏ هن ڪراچي جي حوالي سان چيو ته ڪراچي جو پاڻي خراب آهي، چمڙي ۽ وار خراب ٿي وڃن ٿا انڪري هو ڪراچي ۾ فلٽر جي پاڻي سان وهنجندو آهي.
هن چيو ته لاهور جو پاڻي ڪراچي کان بهتر آهي، پر سيالڪوٽ جو پاڻي لاهور جي پاڻي کان به وڌيڪ سُٺو آهي.
