احمد آباد (ويب ڊيسڪ) آءِ سي سي مينز ون ڊي ورلڊ ڪپ فائنل ۾ آسٽريليا ڀارت کي هارائي ڇهون ڀيرو چيمپيئن بڻجي ويو.
نريندي مودي ڪرڪيٽ اسٽيڊيم ۾ کيڏيل فائنل ۾ بالي ووڊ جي ڪيئي مشهور شخصيتن شرڪت ڪئي، جن ۾ دپيڪا پاڊڪون، رنوير سنگهه، شاهه رخ خان، ايوشمان کرانا، وغيرا شامل هئا، ان کانسواءِ ميچ ۾ ويرات ڪوهلي جي گهرواري انوشڪا شرما ۽ ڪي ايل راهول جي زال اٿيا شيٽي پڻ موجود هئي.
harbhajan singh in the comm box just said "idk if they’re (anushka and athiya) talking about cricket or films, I don’t think they have much knowledge about cricket”#Worlds2023#INDvsAUSfinalpic.twitter.com/r5GhJ2gnjZ
— 133*𓃵 (@133_NotOut) November 19, 2023
ميچ دوران هندي ڪامنيٽري باڪس ۾ موجود اڳوڻي ڀارتي اسپنر هرڀجن سنگهه انوشڪا ۽ اٿيا بابت تبصرو مداحن کي پسند نه آيو.
هندي ڪامينٽرن طرفان ادڪارائن بابت ڪرڪيٽ جي سوچ سمجهه بابت گفتگو ڪئي وئي.
اسڪرين تي جڏهن انوشڪا شرما ۽ اٿيا شيٽي کي ڏيکاريو ويو ته هرڀجن سنگهه چيو ” ۽ مان اِهو سوچي رهيو هيس ته ڳالهه ڪرڪيٽ جي ٿي رهي آهي يا فلمن جي ڇو ته ڪرڪيٽ بابت نه ٿو ڄاڻان ته کين ڪيتري سمجهه هوندي“ .
سوشل ميڊيا تي واهپيدارن موجب، اڳوڻن ڪرڪيٽرن کي اهڙي قسم جو تبصرو نه ڪرڻ گهرجي ها، ڪجهه ماڻهن هرڀجن کان عام طور تي معافي گهرڻ جو مطالبو پڻ ڪيو آهي.
