ممبئي (ويب ڊيسڪ) ڀارتي رياست ڪيرالا ۾ هوٽل پارڪنگ ۾ بيٺل گاڏي مان مشهور مليالم اداڪار ونود ٿامس جو لاش هٿ آيو آهي.
ڀارتي پوليس ٻڌايو ته مليالم فلم انڊسٽري سان سلهاڙيل مشهور اداڪار ونود ٿامس هڪ هوٽل جي پارڪنگ ۾ بيٺل گاڏي مان مُئل حالت ۾ مليو آهي، ٻڌايو پيو وڃي ته اداڪار جي عمر 45 سال هئي.
پوليس موجب هوٽل انتظاميا پوليس کي اطلاع ڏنو هو ته سندن پارڪنگ ۾ بيٺل گاڏي هڪ شخص ڪافي وقت کان موجود آهي، جنهن کان پوءِ پوليس واقعي واري هنڌ پهتي ۽ اداڪار کي ويجهي اسپتال منتقل ڪيوجتي ڊاڪٽرن کيس مُئل قرار ڏنو.
پوليس موجب اداڪار جي موت جو سبب ڄاڻڻلاءِ لاش کي پوسٽ مارٽم لاءِ موڪليو ويوآهي.
ونود ٿام مليالم فلم انڊسٽري جي گھڻين هٽ فلمن ۾ ڪم ڪيو آهي، اداڪار جي مشهور فلمن ۾ ”هيپي ويڊنگ“ ”جون“ ۽ ”اياپنم ڪوشيم“ سميت ٻيون فلمون شامل آهن.