لاهور ( ويب ڊيسڪ ) آءِ سي سي مينز ون ڊي ورلڊ ڪپ ۾ پاڪستاني ٽيم جي خراب ڪارڪردگي کانپوءِ سليڪشن ڪميٽي ۾ ڦيرڦار جو سلسلو جاري آهي.
گذريل ڏينهن پاڪستان ڪرڪيٽ بورڊ جي مئنيجمينٽ ڪميٽيءَ جي سربراهه ذڪاءَ اشرف سان اڳوڻي ڪپتان يونس خان، محمد حفيظ، سهيل تنوير ۽ راندين واري نگران صوبائي وزير وهاب رياض سان ملاقاتون ڪيون آهن.
Former Pakistan cricketers Younis Khan, Mohammad Hafeez, Wahab Riaz and Sohail Tanvir called on Chairman PCB Management Committee Mr Zaka Ashraf today at Gaddafi Stadium in Lahore. pic.twitter.com/3XJykYU3nf
— Pakistan Cricket (@TheRealPCB) November 14, 2023
چيف سليڪٽر انضمام الحق جي استعيفيٰ کانپوءِ اڳوڻي ٽيسٽ ڪرڪيٽر توصيف احمد آسٽريليا جي دوري لاءِ ٽيم چونڊڻ جي ذميواري سنڀالي هئي پر بورڊ عبوري ڪميٽي کي به ٽوڙي ڇڏيو آهي.
بورڊ سربراهه يونس خان، وهاب رياض ۽ محمد حفيظ مان ڪنهن هڪ کي نئون چيف سليڪٽر بڻائڻ تي غور ڪري رهيو آهي، جڏهن ته فاسٽ بالر وهاب رياض سليڪشن جي پوزيشن لاءِ مضبوط دعويدار آهي.
نئين سليڪشن ڪميٽي ويهه کان چويهه نومبر تائين ٽيسٽ اسڪواڊ جي جوڙ جڪ تي غور ويچار ڪندي.
بورڊ چاهي ٿو ته ان ڳالهه کي يقيني بڻايو وڃي ته مقرر ڪيل چيف سليڪٽر کي جديد دور جي ڪرڪيٽ جي متحرڪ منظرنامي جي ڄاڻ هجي ۽ ان ئي حساب سان ٽيم چونڊي وڃي.
