اسلام آباد( ويب ڊيسڪ ) اڳوڻي وزيراعطم نواز شريف خلاف توشا خانا ريفرنس ۾ اهم اڳڀرائي ٿي آهي.
اسلام آباد جي احتساب عدالت توشا خانا ريفرنس۾ ن ليگ قائد نواز شريف جي جائيداد ضبطگي جو آرڊر واپس وٺندي ضبط ٿيل جائيداد ۽ اثاثا واپس ڪرڻ جو حڪم ڏئي ڇڏيو.
احتساب عدالت جي جج محمد بشير نواز شريف جي جائيداد واپسي جو حڪم جاري ڪيو.
عدالت نواز شريف جي پراپرٽيز، گاڏيون ۽ بئنڪ اڪائنٽس واپس ڪرڻ جو حڪم ڏنو آهي.
ياد رهي ته احتساب عدالت توشا خانا ريفرنس ۾ نواز شريف کي اشتهاري قرار ڏيڻ کانپوءِ جائيداد ضبط ڪرڻ جو حڪم آڪٽوبر 2020ع ۾ ڏنو هو .
