اڏهي يا سرو اصل ۾ هڪ ننڍڙو جيت هوندو آهي جنهن جي خاص خوراڪ ڪاٺ آهي، قدرت ان سنهڙي ۽ ننڍڙي جيت ۾ اهڙي انوکي طاقت رکي آهي جو اها ڪاٺ کي کائي مٽي ڪري ڇڏي ٿو، اهو جيت گهر ۾ موجود ڪاٺ جي سامان کي تباهه ڪري ڇڏيندو آهي اهو ئي سبب آهي ته سڀ ڪو ان مان جند ڇڏائڻ چاهي ٿو، اهو ئي سبب آهي ته ڪنهن به شخص ان جي پيدا ٿيڻ بابت ڪڏهن به غور ويچار نه ڪيو هوندو، ڪائنات ۾ موجود ڪهڙي به شيءِ هجي ان جو وجود بي مقصد ناهي هوندو بس رڳو انسان کي ان تي تحقيق ڪرڻ ۽ فائدا ڳولڻ جي ضرورت هجي ٿي، اهڙي ئي حوالي سان ان سنهڙي ۽ ظاهري طور نقصانڪار جيت ۾ قدرت صحت لاءِ بهترين فائدا رکيا آهن ۽ جيڪڏهن ان جي بناوت ۽ فائدن جي ڳالهه ڪجي ته حقيقت ۾ اڏهي يا سرو ڪنهن نعمت کان گهٽ ناهي.
