اسلام آباد (عوامي آواز نيوز) اي آر واءِ چوڌري غلام حسين کي بحال ڪري ڇڏيو، ڪجهه ڏينهن اڳ اي آر واءِ غلام حسين کي فارغ ڪري سندس پروگرام بند ڪري ڇڏيو هو. نامياري تجزئي نگار افتخار ڪاظمي جو چوڻ آهي ته غلام حسين فارغ ٿيڻ بعد الزام مڙهيو هو ته کيس (ن) ليگ وارن فارغ ڪرايو آهي. اهي به اطلاع اچي رهيا هئا ته غلام حسين مختلف ذريعن سان نواز شريف کي به منٿون ڪيون هيون. آخرڪار اي آءِ آر انتظاميا کيس بحال ڪرڻ جو فيصلو ڪيو آهي ۽ کيس پروگرام شروع ڪرڻ جو چئي ڇڏيو آهي.
